უეფას ერთა ლიგის გათამაშება გრძელდება და მეორე სათამაშო დღეს პირველი ტურის მატჩები რამდენიმე ჯგუფში გაიმართა. პირველ რიგში ცხადია ყურადღებას A დივიზიონის ორი დაპირისპირება იწვევდა, რომელიც პირველ ჯგუფში ჩატარდა.

ფლორენციაში იტალიის ნაკრებმა ბოსნიას უმასპინძლა და როგორც ჩანს, რობერტო მანჩინის გუნდს კორონავირუსის პანდემიამ კარგი არაფერი მოუტანა, რადგან 11-მატჩიანი, სარეკორდი მოგებათა სერია დაასრულა. ამაზე უფრო მნიშვნელოვანი კი „სკუადრა აძურას“ უღიმღამო თამაში იყო, რომელიც მარცხს გამართლების ხარჯზე გადაურჩა. გამართლების რადგან, სტეფანო სენსის არაფრის მომცემი და უღიმღმო დარტყმა ბედად ბოსნიელ მცველს მოხვდა და კარში შევარდა. ამ გოლით იტალიამ ბოსნიასთან საშინაო მარცხს თავი დააღწია, მანამდე ედინ ჯეკოს ჰქონდა ანგარიში გახსნილი.

ამსტერდამში რონალდ კუმანის გარეშე დარჩენილმა ნიდერლანდებმა პოლონეთს უმასპინძლა და მძიმე ბრძოლაში წააგო. სტეფან ბერგვინმა მეორეტაიმის შუაწელს გაიტანა ერთადერთი გამარჯვების გოლი. ამ ჯგუფში 7 სექტემბერს გველოდება ძალიან საინტერესო და გამორჩეული შეხვედრა, იტალია ნიდერლანდებს შეხვდება.

რაც სხვა მატჩებს, ჩეხეთმა სლოვაკეთი დერბიში დამაჯერებლად დაამარცხა, ნორვეგიას კი ერლინგ ჰოლანდის გოლი არ ეყო და შინ ავსტრიასთან მარცხი განიცადა. C დივიზიონში საქართველოს ნაკრების მომავალმა და ამ ეტაპზე ყველაზე პრინციპულმა მეტოქემ, ბელარუსმა ალბანეთს უმასპინძლა და უშანსოდ, 0:2 წააგო.

A დივიზიონი, ჯგუფი I

იტალია - ბოსნია 1:1 (0:0)

გოლები: 0:1 ჯეკო (57), 1:1 სენსი (67)

ნიდერლანდები - პოლონეთი 1:0 (0:0)

გოლი: 1:0 ბერგვინი (61)

B დივიზიონი, ჯგუფი I

ნორვეგია - ავსტრია 1:2 (0:1)

გოლები: 0:1 გრეგორიტში (35), 0:2 ზაბიტცერი (54, პენ), 1:2 ჰოლანდი (66)

რუმინეთი - ჩრდ. ირლანდია 1:1 (1:0)

გოლები: 1:0 პუშკაში (25), 1:1 უაიტი (86)

B დივიზიონი, ჯგუფი II

შოტლანდია - ისრაელი 1:1 (1:0)

გოლები: 1:0 კრისტი (45, პენ), 1:1 ზაჰავი (73)

სლოვაკეთი - ჩეხეთი 1:3 (0:0)

გოლები: 0:1 ცუფალი (48), 0:2 დოჩკალი (53, პენ), 0:3 კრმენჩიკი (86), 1:3 შრანცი (88)

C დივიზიონი, ჯგუფი IV

ლიეტუვა - ყაზახეთი 0:2 (0:1)

გოლები: 0:1 ზაინუტდინოვი (4), 0:2 კუატი (86)

ბელარუსი - ალბანეთი 0:2 (0:1)

გოლები: 0:1 ციკალეში (23), 0:2 ბარე (79)