„იუვენტუსისა“ და იტალიის ნაკრების ყოფილი ფეხბურთელი მაურო ხერმან კამორანეზი სლოვენიის ვიცე-ჩემპიონ „მარიბორის“ მთავარ მწვრთნელად დაინიშნა.

როგორც სლოვენიური გუნდის ვებგვერდი იტყობინება, წარმოშობით არგენტინელ 44 წლის სპეციალისტთან კონტრაქტი 2023 წლის ზაფხულამდე გაფორმდა.

კამორანეზიმ სამწვრთნელო კარიერა 2015 წელს დაიწყო და „მარიბორამდე“ მექსიკაში „კორასისა“ და ტაპაჩულას“, არგენტინაში „ტიგრესა“ და სლოვენიაში „ტაბორის“ თავკაცი იყო.

კამორანეზის წარმატებული საფეხბურთო კარიერა ჰქონდა და 2002-2010 წლებში „იუვენტუსში“ 285 მატჩში 32 გოლი გაიტანა, ორჯერ სკუდეტო მოიგო და ერთხელ ჩემპიონთა ლიგის ფინალში ითამაშა. იტალიის ნაკრებში კი 2006 წელს მსოფლიო ჩემპიონი გახდა, „სკუადრა აძურას“ ღირსება მან 2003-2010 წლებში 55-ჯერ დაიცვა (4 გოლი).