კორონავირუსის პანდემიით გამოწვეული იძულებითი და მოულოდნელი პაუზის შემდეგ სანაკრებო ფეხბურთიც დაუბრუნდა მწვანე მინდორს. 2020 წლის ერთა ლიგის გათამაშებამ სტარტი ოფიციალურად აიღო და მატჩები ოთხივე დივიზიონის სხვადასხვა ჯგუფებში გაიმართა.

განსაკუთრებულ ინტერესს, A დივიზიონის მე-4 ჯგუფში გერმანიისა და ესპანეთის ნაკრებთა დაპირისპირება იწვევდა. „ბუნდესნაკრები“ „ფურია როხას“ შესუსტებული შემადგენლობით დაუხვდა, რადგან მიუნხენის „ბაიერნის“ ფეხბურთელები იოაჰიმ ლიოვმა გუნდში არ გამოიძახა, დასვენების უფლება მისცა.

ლიდერების გარეშეც გერმანია ახლოს იყო „მერსედეს ბენც არენაზე“ ლუის ენრიკეს ნაკრები დაემარცხებინა, რომ არა ერთი უყურადღებოდა. მეორე ტაიმის სტარტზე ტიმო ვერნერმა ანგარიში გახსნა და ალემანები წინ გავიდნენ. ეს ანგარიში მსაჯის მიერ კომპენსირებულ მე-6 წუთამდე ნარჩუნდებოდა, იქამდე, სანამ ხოსე გაიამ არ გაათანაბრა და გუნდებმა ქულები გაიყვეს.

ამავე ჯგუფში ანდრეი შევჩენკოს უკრაინამ შვეიცარიას უმასპინძლა დაფასეული გამარჯვება მოიპოვა - 2:1. გამარჯვების გოლი კი „მანჩესტერ სიტის“ თავდამსხმელმა ალექსანდრ ზინჩენკომ გაიტანა.

B დივიზიონში რუსეთში შინ სერბეთს აჯობა არტიომ ძიუბას დუბლით, ხოლო უნგრეთმა შაბოშლაის ულამაზესი გოლით თურქეთში მოიგო. უელსმა ჰელსინკში მურის გვიანი გოლით ფინეთი დაამარცხა, ხოლო სოფიაში ბულგარეთმა და ირლანდიამ ქულები გაიყვეს. C დივიზიონში, საქართველოს ნაკრების მომავალმა პოტენციურმა მეტოქემ მოლდოვას ვერ მოუგო და მეტიც, კოლოლის გვიანი გოლით მარცხს გადაურჩა - 1:1.

A დივიზიონი, ჯგუფი IV

გერმანია - ესპანეთი 1:1 (0:0)

გოლები: 1:0 ვერნერი (51), 1:1 გაია (90)

უკრაინა - შვეიცარია 2:1 (1:1)

გოლები: 1:0 იარმოლენკო (14), 1:1 სეფეროვიჩი (41), 2:1 ზინჩენკო (68)

B დივიზიონი, ჯგუფი III

რუსეთი - სერბეთი 3:1 (0:0)

გოლები: 1:0 ძიუბა (48, პენ), 2:0 კარავაევი (69), 2:1 მიტროვიჩი (78), 3:1 ძიუბა (81)

თურქეთი - უნგრეთი 0:1 (0:0)

გოლი: 0:1 შაბოშლაი (80)

B დივიზიონი, ჯგუფი IV

ბულგარეთი - ირლანდია 1:1 (0:0)

გოლები: 1:0 კრაევი (56), 1:1 დაფი (90)

ფინეთი - უელსი 0:1 (0:0)

გოლი: 0:1 მური (80)

C დივიზიონი, ჯგუფი III

მოლდოვა - კოსოვო 1:1 (1:0)

გოლები: 1:0 ნიკოლესკუ (20), 1:1 კოლოლი (71)

სლოვენია - საბერძნეთი 0:0 (0:0)

D დივიზიონი, ჯგუფი I

ლატვია - ანდორა 0:0 (0:0)

ფარერები - მალტა 3:2 (1:1)

გოლები: 1:0 ოლსენი (25), 1:1 დეგაბრიელე (37), 1:2 აგიუსი (73), 2:2 ოლსენი (87), 3:2 ჰენდრიკსენი (90)