ქალაქ ნიცაში სტარტი აიღო ტურ დე ფრანსმა, რომლის პირველ ეტაპზეც, სპრინტერულ ბრძოლაში გამარჯვება „UAE ტიმ ემირატსის“ ნორვეგიელმა ალექსანდერ კრისტოფმა მოიპოვა. საფინიშო სპურტში მან მაოფლიოს ჩემპიონს, დანიელ მადს პედერსენს (ტრეკ-სეგაფრედო) აჯობა. კრისტოფისთვის ეს ფრანგულ ველომარათონზე მოგებული მეოთხე ეტაპია.

რბოლა წვიმის აკომპანიმენტით ჩატარდა და სველ გზაზე რამდნმე ინციდნტი მოხდა. მათ შორის, ბოლო იყო ფინიშამდე 3 კილომეტრით ადრე, როცა რამდენიმე ველომრბოლი დაეცა და გზა ჩაიხერგა. 156-კილომეტრიანი დისტანციის დასაწყისში, დაცემას ვერც ტურის ორგზის ჩემპიონი, კოლუმბიელი ნაირო კვინტანა გადაურჩა. ფავორიტ ეგან ბერნალის (კოლუმბია) ერთ-ერთი „ლეიტენანტი“, რუსი პაველ სივაკოვი კი ორჯერ დაეცა.

ბოლო ინციდენტისას, ორი ფრანგი ფავორიტი, ტიბო პინო (გრუპამა-FDJ) და ჟულიან ალაფილიპიც დაეცა. ორივემ ფინიშს 4 წუთის დაგვინებით მიღწია, მაგრამ რადგან შემთხვევა ფინიშამდე 3-კილომეტრიან ზონაში მოხდა, ორიცეს ის დრო ჩაეთვალა, რა დროშიც რბოლა პელოტონმა დაასრულა.