„პარი სენ ჟერმენის“ ყოფილმა ნახევარმცველმა ფაბრის პანკრატმა განაცხადა, რომ ლიონელ მესი ფრანგულ გუნდში გადავა და მას მოგვიანებით კრიშტიანუ რონალდუ და პეპ გვარდიოლაც შეუერთდებიან.

Le Parisien-თან საუბარში პანკრატი ამბობს, რომ პსჟ ოთხ უცხოპლანეტელს მოუყრის თავს:

„ვიტყვი რასაც ვფიქრობ. როგორც ქალაქი, მანჩესტერი მახინჯია, ნაცრისფერი, ყოველთვის წვიმს. ბევრი პარამეტრია, რის გამოც დარწმუნებული ვარ, რომ მესი პარიზში გადავა. 2021 წელს მას კრიშტიანუ რონალდუც შეუერთდება და პეპ გვარდიოლაც.

ვფიქრობ, რომ მესიმ და გვარდიოლამ ადრე ისაუბრეს და ესპანელმა მას უთხრა: „იტყვიან, რომ მანჩესტერში გელოდები, მაგრამ წადი პარიზში და არ ინერვიულო, შემდეგ წელს მეც იქ ვიქნები“. მე ასე მგონია, პსჟ იქნება მსოფლიოში პირველი გუნდი, რომელიც მსოფლიოში ოთხ უცხოპლანეტელს მოუყრის თავს - რონალდუ, მესი, ნეიმარი და მბაპე, გარდა ამისა, სოცრად კარგი მწვრთნელი.

მესი 33 წლისაა, რონალდუ 35 წლის, მაგრამ მათი დონის ფეხბურთელებს სირბილი არ სჭირდებათ, ბურთი მათი მიმართულებით მიემართება. შესაძლოა მოედანზე უფრო ნელა იმოძრაონ, მაგრამ ახალგაზრდა თანაგუნდელები გააკეთებენ ხვა საქმეს.

თუ შეიძლებოა ჯანლუიჯი ბუფონის ან დევიდ ბექჰემი 37 წლის ასაკში შეძენა, მაშინ რატომაც არა მესისა და რონალდუს დამატება, რომლებიც ძალიან პროფესიონალები და კონკურენტუნარიანები არიან“, - თქვა პანკრატმა.