„ბარსელონას“ ყოფილმა ვარსკვლავმა, ბრაზილიელმა რივალდომ, ჟურნალისტებს ლიონელ მესის „მანჩესტერ სიტიში“ შესაძლო გადასვლის შესახებ გაუზიარა აზრი.

„ლეო 33 წლისაა, მაგრამ მისი უნარები და ნიჭი განსაკუთრებულია. ვფიქრობ, კიდევ რამდენიმე წელიწადს შეძლებს უმაღლეს დონეზე თამაშს. გვარდიოლა კარგად იცნობს მესის და დაეხმარება სწრაფად აუღოს ალღო პრემიერლიგას. წარმომიდგენია კიდეც, როგორ აშენებს გუნდს არგენტინელის გარშემო.

გული მტკივა, როცა ვუცქერ, როგორ ცდილობს „ბარსელონას“ უდიდესი ფეხბურთელი ლუბთან კონტრაქტის გაწყვეტას. მაგრამ ორივე მხარისა უნდა გავიგოთ.“ - ციტირებს რივალდოს სიტყვებს Daily Mail.

„მანჩესტერ სიტი“ მზადაა მესიში 200 მილიონი ევრო გაადაიხადოს და სამწლიანი კონტრაქტი გაუფორმოს.