იტალიაში საკალათბურთო სეზონი ქვედა დივიზიონების მატჩებით გაიხსნა. რანგით მე-3 ლიგა “ა2 სილვერში” გიგა ჯანელიძის (სიმაღლე 199 სმ.) “როზეტო შარქსი” “პროჯერ პალაკანესტრო კიეტის” ესტუმრა და 70:78 დამარცხდა.

19 წლის ქართველი ფორვარდი გუნდის სასტარტო ხუთეულში გამოჩნდა და 28:00 წუთში 7 ქულა და 7 მოხსნა (3 მეტოქის ფარზე) მოაგროვა. ჯანელიძემ 2-დან 1 სამქულიანი და 2-ვე ორქულიანი ჩააგდო, ბურთი ერთხელ დაკარგა და 2 პერსონალური ფოლი მიიღო.

მოედანზე არ გამოჩენილა ნიკა მეტრეველი, რომლის “ჯივოვა ნაპოლიმაც” მე-2 ლიგა “ა2 გოლდში” ქართველის ერთ-ერთ ყოფილ კლუბ “ფერენტინოსთან” 69:75 წააგო. ნიკა განაცხადში იყო, მაგრამ თამაშში ჩართვის საშუალება არ მისცემია.