რონალდ კუმანი მზადაა დატოვოს ნიდერლანდების ეროვნული ნაკრები და კატალონიის „ბარსელონას“ შეთავაზებას დათანხმდეს. ამის შესახებ Voetbal Zone Mundo deportivo-ზე დაყრდნობით წერს.

კუმანს მიაჩნია, რომ ახლა მისი ბოლო შანსია ყოფილი კლუბი ჩაიბაროს, სადაც კარიერის გამორჩეული პერიოდი გატარა. კუმანმა ზამთარში უარი თქვა „ბარსას“ მწვრთნელობაზე, რისი მიზეზიც ევრო 2020 იყო, მაგრამ ამ ტურნირის გადადებით კუმანმა აზრიც შეიცვალა.

„ბარსელონას“ კუმანის გარდა მაურისიო პოჩეტინოსა და ჩავი ერნანდესსაც უკავშირებენ. შეგახსენებთ, ხვალ ესპაურ გრანდში საგანგებო თათბირია დაგეგმილი, სადაც მოსალოდნელია, რომ კიკე სეტიენის გათავისუფლების შესახებ ოფიციალურად გამოაცხადებენ.