რომის „ლაციოს“ თავდამსხმელმა ჩირო იმობილემ „ოქროს ბუცი“ მოიგო. ეს ამბავი მას შემდეგ გაოფიციალურდა, რაც ცნობილი გახდა, რომ კრიშტიანუ რონალდუ სერია A-ს ბოლო ტურში „რომასთან“ არ ითამაშებს.

პორტუგალიელი სამატჩო განაცხადში არაა და შესაბამისად, იმობილესთან 4-გოლიან ჩამორჩენას ვერანაირად ვერ აღმოფხვრის.

ჩირომ კი 2019-2020 წლების სეზონში 36 მატჩში 35 გოლის გატანა შეძლო და ევროპის საუკეთესო ბომბარდირის ტიტული მოიგო. „ლაციოს“ ფორვარდმა რობერტ ლევანდოვსკის 1 გოლით აჯობა, თუმცა იმობლეს ერთი თამაში კიდევ აქვს ჩასატარებელი.

ის მესამე იტალიელია ლუკა ტონისა (31 გოლი 2006 წელს) და ფრანჩესკო ტოტის შემდეგ (26 გოლი 2007 წელს) ვინც „ოქროს ბუცი“ მოიგო.