ივლისის ბაშოზე ზედიზედ მესამე ბრძოლა მოიგო ლევან გორგაძემ. ქართველმა სუმოისტმა მსგავსი შედეგი ზაფხულის სუპერტურნირზე უკვე მეორედ დააფიქსირა.

ტოჩინოშინი მე-5 მაეგაშირა ჰოკუტოფიჯის დაუპირისპირდა და მისი დამარცხება უვატედაშინაგის ილეთით მოახერხა.

შეტაკებისთანავე ლევანმა უპირატესობა მოიპოვა და 28 წლის მეტოქე ძალიან ადვილად დააგდო დოჰიოზე.

ეს აღნიშნული წყვლის მე-8 დაპირისპირება იყო და ტოჩიმ ურთიერთშეხვედრებში მოგება-წაგების ბალანსი გაიმყარა - 5 მოგება და 3 მარცხი.

აღსანიშნავია ისიც, რომ ორივე მათგანს მიმდინარე ბაშოზე დადებითი ბალანსი უკვე განაღდებული ჰქონდა.

შეგახსენებთ, გორგაძეს 9 მოგების საპირისპიროდ 5 მარცხი აქვს და ივლისის ბაშოს დასრულებამდე მხოლოდ 1 ბრძოლა დარჩა ჩასატარებელი და მისი მიზანი 10 გამარჯვების მოპოვება იქნება.

რაც შეეხება უშუალოდ ლიდერებს: ამ დროისთვის კვლავ ტერენოფუჯი ლიდერობს, რომელსაც კვალში ასანოიამა უდას, თუმცა, დღევანდელი ორთაბრძოლები ჯერ არცერთ მათგანს ჩაუტარებია.

ტოჩის ბოლო მეტოქე კი ჯერჯერობით უცნობია.