ლეგენდარულ ესპანელ ფეხბურთელსა და ამჟამად ყატარული ალ-სადის მთავარ მწვრთნელ ჩავის კორონავირუსი აღმოაჩნდა. ამის შესახებ მან სოციალურ ქსელში გაავრცელა განცხადება.

"თავს კარგად ვგრძნობ. თუმცა თვითიზოლაციაში დავრჩები იქამდე, სანამ ამ პრობლემას არ გადავლახავ", - დაწერა ჩავიმ.

შეგახსენებთ, რომ ჩავიმ ცოტა ხნის წინ ალ-სადთან კონტრაქტი ერთი წლით გაახანგრძლივა. ესპანელ სპაციალისტს "ბარსელონას" მთავარი მწვრთნელის პოსტზეც განიხილავენ. მან კატალონიურ კლუბში 1998-2015 წლების სეზონში ითამაშა, მანამდე კი 6 წელი "ბარსას" ახალგაზრდულ კლუბში გამოდიოდა.