რუსეთის ნაკრების ყოფილმა ფეხბუთელმა რომან შიროკოვმა ხვიჩა კვარაცხელიას შესახებ ისაუბრა და თქვა, რომ რუსულ პრემიერლიგაში გამორჩეული დრიბლინგი აქვს.

„რუსეთის ჩემპიონატში ყველაზე ტექნიკური ფეხბურთელია? ეს დამოკიდებულია იმაზე, თუ რა ითვლება ტექნიკად. უდავოა ის ფაქტი, რომ ერთ-ერთი უმაღლესი დონის დრიბლიორია. უფრო მეტიც, ის ხშირად დრიბლინგებს მეტოქის კართან იყენებს, რაც ორმაგად ღირებულია.

„კრასნოდარს“ სჭირდება? იქ არის ვანდერსონი, კაბელა, სულეიმანოვი. თუ რომელიმეს შეცვლის, მაშინ შეიძლება კი“, - თქვა შიროკოვმა.

შეგახსენებთ, რომ ხვიჩა კვარაცხელიამ 2019-2020 წლების სეზონი 27 მატჩში 3 გოლით და 4 საგოლე პასით დაასრულა.