35 წლის რობერტო სოლდადომ "გრანადასთან" კონტრაქტი ერთი წლით გაახანგრძლივა და კლუბს მომდევნო სეზონის დასრულების შემდეგ დატოვებს. აღნიშნულ ინფორმაციას ესპანური კლუბის ოფიციალური ვებგვერდი იუწყება.

სოლდადო "გრანადას" 2019 წლის ივლისში "ფენერბაჰჩედან" შეუერთდა. გასულ სეზონში რობერტო გუნდს ევროპა ლიგის საგზურის მოპოვებაში დაეხმარა - "გრანადა" ლა ლიგაში მეშვიდე ადგილზე გავიდა და საკვალიფიკაციო ეტაპში მიიღებს მონაწილეობას. თავად რობერტომ 2019/20 წლების სეზონში 39 მატჩი ჩაატარა, გაიტანა 11 გოლი და შვიდი საგოლე გადაცემა შეასრულა.

სოლდადოს წლების განმავლობაში ნათამაშები აქვს "რეალის", "ოსასუნას", "ხეტაფეს", "ვალენსიას", "ტოტენჰემის" და "ვილიარეალის" რიგებში. 2008 წელს რობერტო "რეალის" რიგებში ესპანეთის ჩემპიონი გახდა.