„მანჩესტერ სიტის“ ხელმძღვანელობა, „მანჩესტერ იუნაიტედის“ შემტევით, ალექსის სანჩესით დაინტერესდა და 31 წლის ჩილელის ამ ზაფხულსვე გადაბირებას ეცდება - გვამცნობს La Cuarta.

წყაროს მტკიცებით, ახლახან „სიტის“ წარმომადგენლები სანჩესის გარემოცვას დაუკავშირდნენ, რათა ფეხბურთელის მოთხოვნები დაეზუსტებინათ. სანჩესი „მანჩესტერში“ იჯარის წესით თამაშობს, მასზე უფლებები კი მილანის „ინტერს“ აქვს.

შეგახსენებთ, რომ „სიტი“ ადრეც ცდილობდა სანჩესის გადაბირებას, მაგრამ თანაქალაქელმა „იუნაიტედმა“ უკეთესი პირობები შესთავაზა და ჩილელიც „ოლდ ტრაფორდზე“ აღმოჩნდა.