„რეალის“ მთავარმა მწვრთნელმა, ზინედინ ზიდანმა, ჟურნალისტებს მადრიდულ კლუბში მისი მომავლის შესახებ ესაუბრა.

„არავინ იცის რა მოხდება მომავალ სეზონში. ამჟამად კლუბთან კონტრაქტი მაკავშირებს და მომწონს აქ. მაგრამ, ფეხბურთში არავინ იცის. რა მოხდება ხვალ. უბრალოდ, მიჰყვები დღეებს. ამიტომ, არ ვიცი წინ რა მელის.“ - ციტირებს ზიდანის სიტყვებს Marca.

შეგახსენებთ, რომ „რეალმა“ ვადამდე გაიფორმა ქვეყნის ჩემპიონობა. ეს მადრიდელთა 34-ე ტიტული გახლდათ.

„სამეფო კლუბთან“ ფრანგი სპეციალისტის კონტრაქტს კი ვადა 2022 წლის ზაფხულში ეწურება.