გერმანელმა ფეხბურთელმა ანდრე შურლემ საფეხბურთო კარიერა 29 წლის ასაკში დაასრულა. ამის შესახებ განცხადება თავად გააკეთა.

„ეს იდეა ჩემში დიდი ხანია მომწიფდა და საბოლოოდ გადავწყვიტე. რთული მომენტები უფრო მეტად მქონდა, ვიდრე ბედნიერი. ძალიან ბევრი ჩრდილი განვიცადებ, ვიდრე ნათელი. აღარ მჭირდება პუბლიკის აპლოდისმენტები“, - თქვა შურლემ.

ანდრე შურლე კარიერა „მაინცში“ დაიწყო, საიდანაც „ლეერკუზენში“ გადავიდა. გარდა ამისა, ასევე ითამაშა, „ჩელსიში“, „ვოლფსბურგში“, „დორტმუნდში“, „ფულჰემსა“ და ბოლოს მოსკოვის „სპარტაკში“, სადაც იჯარით იყო. რამდენიმე დღის წინ კი „დორტმუნდთან“ კონტრაქტი გაწყვიტა.

კარიერის განმავლობაში ანდრემ ინგლისის პრემიერლიგა, გერმანიის თასი (ორჯერ) და სუპერთასი მოიგო, ხოლო ყველაზე დიდ წარმატებას გერმანიის ნაკრებში 2014 წელს მიაღწია, როცა მსოფლიო ჩემპიონი გახდა. „ბუნდესნაკრებში“ შურლემ 2010-2017 წლებში 57 შეხვედრაში 22 გოლი გაიტანა.