„მანჩესტერ სიტის“ მთავარი მწვრთნელი პეპ გვარდიოლა მზად იყო კლუბში ნებისმიერ შემთხვევაში დარჩენილიყო. თუნდაც სპორტულ საარბიტრაჟო სასამართლოს (CAS) სხვა გადაწყვეტილება მიეღო და მათი აპელაცია არ დაეკმაყოფილებინა.
„ძალიან ბედნიერი ვარ CAS-ის გადაწყვეტილებით. ეს აჩვენებს, რომ კლუბთან დაკავშირებით რაც იყო ნათქვამი, სიმართლეს არ შეესაბამებოდა. ჩემი პირადი მდგომარეობა ყოველთვის გასაგები იყო და ადრეც ვთქვი. ინგლისში თქვეს, რომ მესამე დივიზიონში უნდა გვეთამაშა, მაგრამ მინდა მათ ვუპასუხო, რომ გუნდში იმ შემთხვევაშიც დავრჩებოდი, თუ მეოთხე დივიზიონში დაგვაქვეითებდნენ“, - თქვა გვარდიოლამ.
შეგახსენებთ, რომ სპორტულმა საარბიტრაჟო სასამართლომ უეფას გადაწყვეტილება „მანჩესტერ სიტის“ დისკვალიფიკაციასთან დაკავშირებით, გააუქმა და „ქალაქელები“ ჩემპიონთა ლიგაზე მომდევნო სეზონშიც ითამაშებენ.
