საქართველოს ნაკრების მცველი ჯემალ ტაბიძე არაა გამორიცხული მიმდინარე ზაფხულს მოსკოვის „სპარტაკში“ გადავიდეს. საქმე ისაა, რომ „უფას“ აწ უკვე ყოფილი გენერალური დირექტორი შამილ გაზიზოვი მოსკოვურ გუნდში ამავე თანამდებობაზე დაინიშნა.

Sport-express-მა გამოაქვეყნა სტატია იმ ფეხბურთელების შესახებ, ვისი „უფადან“ „სპარტაკში“ გადასვლა შესაძლებელი და მოსალოდნელია.

ცნობილი გამოცემა „სახალხო გუნდს“ მცველებს შორის ჯემალ ტაბიძის შეძენას ურჩევს და წერს, რომ ქართველი „სპარტაკის“ სათამაშო სისტემას ყველაზე მეტად ერგება.

შეგახსენებთ, რომ ტაბიძე „უფაში“ ერთ-ერთი საუკეთესოა, მიმდინარე სეზონის 23 მატჩში 1 გოლი გაიტანა და რამდენჯერმე ტურის სიმბოლურ ნაკრებში მოხვდა.