კალათბურთი

16:39 | 2.07.2020 | ნანახია 485 - ჯერ

„ბასკონიასთან“ მარცხის შემდეგ „ბარსელონამ“ სვეტისლავ პეშიჩი თანამდებობიდან გაანთავისუფლა

ლიგა ენდესას ფინალური შეხვედრის შემდგომ, „ბარსელონას“ მთავარი მწვრთნელი სვეტისლავ პეშიჩი თანამდებობიდან გაანთავისუფლეს. სერბ სპეციალისტს კატალონიურ კლუბთან კონტრაქტი 2021 წლის ზაფხულამდე ჰქონდა გაფორმებული თუმცა ფინალურ შეხვედრაში მარცხი „ბარსელონას“ ხელმძღვანელებისთვის მიუღებელი აღმოჩნდა და კონტრაქტის ვადაზე ადრე დასრულება გადაწყვიტეს.

პეშიჩის სავარაუდო შემცველად კლუბში ლიეტუვის „ჟალგირისის“ მთავარ მწვრთნელ შარუნას იასკიავიჩუსს განიხილავენ.

სვეტისლავი „ბარსას“ სათავეში 2018 წლის თებერვალში ჩაუდგა და ორჯერ სამეფო თასი მოაგებინა. თუმცა, მისი ხელმძღვანელობით გუნდი ევროლიგის ოთხთა ფინალში ერთხელაც ვერ გავიდა. მთლიანობაში კი 322 მატჩიდან კატალონიელებმა 235 მოიგეს 87-ში კი დამარცხდნენ.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

17:45 | 02.07.2020
baxt (1836)

მახსოვს, 2004-2005 წელს, სტატია იყო ერთ-ერთ სპორტულ გაზეთში, როდესაც ჩვენი ნაკრებიდან ბრაიკოვიჩი გაუშვეს და ახალს ეძებდნენ, ვინ იქნებოდა ჩვენი ნაკრებისთვის იდეალური და სასურველი მწვრთნელი. სტატიაში ასეთად სვეტისლავ პეშიჩი იქნა მიჩნეული. არ ვიცი, რამდენად მართლა არსებობდა მაშინ მისი მოყვანის შანსი. ალბათ არა. საბოლოოდ, გორდონ ჰერბერტი დანიშნეს, რომელიც ნაკრების უახლოეს ისტორიაში ყველაზე სუსტი მწვრთნელი გამოდგა .

0.113291