იაპონური „ვისელ კობეს“ ფეხბურთელმა ანდრეს ინიესტამ Corriere Dello Sport-თან ინტერვიუში პეპ გვარდიოლას ეპოქის „ბარსელონას“ წარმატების საიდუმლოზე ისაუბრა. ესპანელის განცხადებით, პეპის სათამაშო სტილმა ყველა ფეხბურთელის ნიჭის ბოლომდე წარმოჩენას ხელი შეუწყო.

„რა იყო იმ გუნდის წარმატების მიზეზი? პეპი ძალიან სანახაობრივი მწვრთნელია, ამიტომ ყველა ფეხბურთელმა თავისი ნიჭის ბოლომდე წარმოჩენა და გახსნა შეძლო. ეს გავაკეთეთ იმის ხარჯზე, რომ გვარდიოლას ფეხბურთი სასიამოვნო სათამაშო იყო. მნიშვნელობა არ აქვს, „ბარსა“ წააგებს თუ მოიგებს, ყოველთვის ცდილობს შეინარჩუნოს ის იდენტობა, რომელიც იმ პერიოდში გვქონდა“, - თქვა ინიესტამ.

შეგახსენებთ, რომ ანდრეს ინიესტა „ბარსელონაში“ 2002-2018 წლებში თამაშობდა, ხოლო გვარდიოლა „ბლაუგრანას“ 2008-2012 წლებში ავარჯიშებდა.