საქართველოს ეროვნული ნაკრების მთავარმა მწვრთნელმა ვლადიმირ ვაისმა სტამბოლის „ბეშითქაშში“ ნიკა ნინუას მოსალოდნელ ტრანსფერზე კომენტარი გააკეთა.

Ortaczigi-სთან საუბარში სლოვაკი სპეციალისტი ნინუას „არწივთა“ რიგებში გადასვლას მიესალმება და აღნიშნავს, რომ „ბეშითქაში“ ნამდვილ ვარსკვლავს მიიღებს.

„თუ ტრანსფერი შედგება, „ბეშითქაში“ ნამდვილ ვარსკვლავს მიიღებს, მას 16 წლის ასაკიდან ვიცნობ. ვფიქრობ, რომ ერთა ლიგის საკვალიფიკაციო ეტაპაზე ნიკას შანსი მივცე. „ბეშიქთაში“ თურქეთში ბევრისთვის საყვარელი და ერთ-ერთი წარმატებული კლუბია. ნიკა შესანიშნავ გუნდში გადავა და ამ ტრანსფერს რა თქმა უნდა ვემხრობი. ნიკა ნინუა ნიჭიერი ფეხბურთელია და აქვს პოტენციალი, რომ შესანიშნავი ფეხბურთელი გახდეს. მის კარიერაში ეს წინგადადგმული ნაბიჯი იქნება“, - თქვა ვაისმა.

შეგახსენებთ, რომ გავრცელებული ინფორმაციით, ნინუა „ბეშითქაშთან“ 5-წლიან კონტრაქტს გააფორმებს, სეზონში 350 ათას ევროიანი ანაზღაურებით. „დინამო თბილისი“ კი ტრანსფერის სანაცვლოდ 800 ათას ევროს გამოიმუშავებს.