უეფამ აღმასკომის სხდომაზე არამარტო ერთა ლიგის 2020 წლის პლეი-ოფებისა და ევროთასების მიმდინარე სეზონის შესახებ მიიღო გადაწყვეტილება, არამედ მომდევნო სეზონის კალენდარიც გაწერა.

ეს ჩვენთვის საინტერესოა, რადგან "დინამო თბილისის" ჩემპიონთა ლიგის საკვალიფიკაციო ეტაპზე, ხოლო "დინამო ბათუმი", "საბურთალო" და "ლოკომოტივი" ევროპა ლიგის საკვალიფიკაციო ეტაპზე ითამაშებენ. სანამ კალენდარს გაგაცნობთ, იქამდე ერთი მნიშვნელოვანი ცვლილება და დეტალი - მატჩები სახლი-გასვლის პრინციპით არ გაიმართება, არამედ ერთი მშრალი მატჩით გაირკვევა შემდეგი ეტაპის საგზურის მფლობელების ვინაობა. მასპინძელ გუნდებს უეფა მოგვიანებით (სავარაუდოდ წილისყრისას) გამოავლენს.

ახლა კი, ორივე ევროთასის კალენდრის შესახებ დეტალურად:

ჩემპიონთა ლიგა და ევროპა ლიგა 2020-2021 წლების სეზონი

იმისთვის, რომ 2019-2020 წლების სეზონთან ახალი სეზონის განცალკევება მოხდეს, ევროთასების საკვალიფიკაციო ეტაპები ორმატჩიანი რაუნდების ნაცვლად თითო მატჩით ჩატარდება. ერთადერთი გამონაკლისია ჩემპიონთა ლიგის პლეი-ოფი, სადაც ორმატჩიანი მატჩები ჩატარდება. უეფა მოგვიანებით განსაზღვარვს რომელი კლუბები უმასპინძლებს ერთმატჩიან დაპირისპირებებს.

საკვალიფიკაციო ეტაპის და ჯგუფური ეტაპის ახალი კალენდარი შემდეგნაირია:

უეფას ჩემპიონთა ლიგა 2020-2021 წლების სეზონი

წინასწარი ეტაპი: 8 და 11 აგვისტო

პირველი საკვალიფიკაციო ეტაპი: 18/19 აგვისტო

მეორე საკვალიფიკაციო ეტაპი: 25/26 აგვისტო

მესამე საკვალიფიკაციო ეტაპი: 15/16 სექტემბერი

პლეი-ოფები: 22/23 და 29/30 სექტემბერი

ჯგუფური ეტაპი: 20/21 ოქტომბერი (I ტური), 27/28 ოქტომბერი (II ტური), 3/4 ნოემბერი (III ტური), 24/25 ნოემბერი (IV ტური), 1/2 დეკემბერი (V ტური), 8/9 დეკემბერი (VI ტური)

ევროპა ლიგა 2020-2021 წლების სეზონი

წინასწარი ეტაპი: 20 აგვისტო

პირველი საკვალიფიკაციო ეტაპი: 27 აგვისტო

მეორე საკვალიფიკაციო ეტაპი: 17 სექტემბერი

პლეი-ოფი: 1 ოქტომბერი

ჯგუფური ეტაპი: 22 ოქტომბერი (I ტური), 29 ოქტომბერი (II ტური), 5 ნოემბერი (III ტური), 26 ნოემბერი (IV ტური), 3 დეკემბერი (V ტური), 10 დეკემბერი (VI ტური)

შემდგომი რაუნდის თარიღებში ახალი სეზონის საპლეი-ოფო სტადიაზე ცვლილებების შეტანა ამ ეტაპზე საჭირო არაა.

ჩემპიონთა ლიგისა და ევროპა ლიგის 2020-2021 წლების სეზონის ჯგუფური ეტაპის წილისყრები გაიმართება 1 და 2 ოქტომბერს, საბერძნეთის დედაქალაქ ათენში სტავროს ნიარჩოსის ფონდის კულტურულ ცენტრში.