ყოფილმა ესპანელმა მსაჯმა ედუარდო იტურალდე გონსალესმა მთავარ მწვრთნელებთან, კერძოდ ჟოზე მოურინიოსთან და პეპ გვარდიოლასთან ურთიერთობაზე ისაუბრა.

ესპანელი იხსენებს, რომ მოურინიოსთან უკეთესი ურთიერთობა ჰქონდა, ხოლო გვარდიოლას მართვა გაცილებით ძნელი იყო.

„მოურინიოსთან შესანიშნავი ურთიერთობა მქონდა. გვარდიოლას მართვა კი უფრო რთული იყო, ის ბევრად უფრო ცბიერი იყო არბიტრებისთვის. როდესაც ასისტენტებთან პროტესტს გამოხატავდნენ, უფრო ადვილი გახლდათ მოურინიოს გაკონტროლება, ვიდრე სხვების.

„ბარსელონა“ – „რეალის“ თამაშის შემდეგ (5:0 კატალონელთა სასარგებლოდ 2010 წელს - რედ) მოურინიო ჩემთან მოვიდა და მითხრა: „ძალიან კარგი, იტურალდე“. მე კი ვუპასუხე: „ერთ რამეში ცდები, ქათმების სახლში მხოლოდ ერთი მამალია და ის შენ არ ხარ, მე - ვარ“. ეს იყო ძალიან რთული პერიოდი მოთამაშეებს შორის დაძაბულობის თვალსაზრისით. ფეხბურთელები თამაშამდე ხშირად ერთმანეთს ესალმებიან და ეხვევიან, მაგრამ მოურინიოს პერიოდში ერთმანეთს არც კი უყურებდნენ“, - თქვა იტურალდე გონსალესმა.