ვეტერანმა ინგლისელმა ფეხბურთელმა გარი ლინეკერმა განაცხადა, რომ ლიონელ მესისა და კრიშტიანუ რონალდუს შორის პარალელის გავლება დაუშვებელია. გარის აზრით, არგენტინელი ცალსახად საუკეთესოა.
"მესი თუ რონალდუ? ხშირად ეს იმაზეა დამოკიდებული, რომელ გუნდს გულშემატკივრობ. "ბარსელონას" ფანებისთვის მესი საუკეთესოა, კრიშტიანუ კი "რეალისა" და "იუვენტუსის" ქომაგებისთვის. ჩემი აზრით კი, ეს განსახილველი საკითხიც არაა - მესი საუკეთესოა, ეჭვგარეშეა", - უთხრა ლინეკერმა BBC-ის.
