ჩოგბურთი

0:19 | 29.05.2020 | ნანახია [] - ჯერ

ბასილაშვილის საქმეზე შესაძლოა ნოვაკ ჯოკოვიჩი დაკითხონ

ნიკოლოზ ბასილაშვილის ადვოკატი ირმა ჭკადუა არ გამორიცხავს, რომ საქმეზე ცნობილი სერბი ჩოგბურთელი ნოვაკ ჯოკოვიჩი დაკითხონ. ამის შესახებ ადვოკატმა „პირველ არხს“ განუცხადა.

„ჯერ ამაზე საუბარი არ მსურს, თუმცა ნამდვილად განიხილება მისი დაკითხვის საკითხი. ზუსტ დეტალებზე არ ვისაუბრებ, თუმცა საქმეზე ბევრი უცხოელი დაიკითხება, მათ შორის ისინი, ვისთვისაც გარკვეული ფაქტებია ცნობილი. მაგალითად, ამერიკის ღია პირველობაზე, როდესაც ქალბატონი ნეკა ჩავიდა და გარკვეული ინციდენტი მოხდა. მაშინ საქმე იქამდეც კი მივიდა, რომ ჩემპიონატის ორგანიზატორებმა ქალბატონი ნეკა დაცვის თანხლებით გაიყვანეს და აკრედიტაციაც გააუქმეს. სხვა ვერაფერს გეტყვით ამ ეტაპისთვის”, - განაცხადა ირმა ჭკადუამ.

შეგახსენებთ, ნიკოლოზ ბასილაშვილი 22 მაისს ყოფილ მეუღლეზე ძალადობის ბრალდებით დააპატიმრეს და 100 000 ლარის გირასო სანაცვლოდ გაათავისუფლეს. სისხლის სამართლის საქმეზე გამოძიება 126-ე პრიმა მუხლის მე-2 ნაწილის „ბ“ ქვეპუნქტით მიმდინარეობს და მომდევნო სასამართლო სხდომა 16 ივლისსა ჩანიშნული.

0.111352