მადრიდის „რეალი“ და ზინედინ ზიდანი პოლ პოგბას ტრანსფერს ისევ სერიოზულად განიხილავენ. ფრანგ სპეციალისტს ძალიან უნდა თანამემამულე საკუთარი გუნდის რიგებში იხილოს.
კორონავირუსით გამოწვეული ეკონომიკური კრიზისის პერიოდში პოგბას სატრანსფერო ფასის გადახდა, რომელიც 100 მილიონ ევროს აჭარბებს, პრაქტიკულად წარმოუდგენელია.
The Sun-ის ინფორმაციით, ფლორენტინო პერესი მზადაა „მანჩესტერ იუნაიტედს“ პოგბას სანაცვლოდ ოთხე ფეხბურთელი, ბრაიმ დიასი, ხამეს როდრიგესი, მარტინ ოდეგაარდი და ლუკას ვასკესი დაუთმოს.
ესპანელი იმედოვნებს, რომ ამ გზით მიაღწევს 100-მილიონიან ზღვარს და ბარტერის საშუალებით პოლ პოგბას „სანტიაგო ბერნაბეუზე“ გადაბარგება რეალური გახდება.
შეგახსენებთ, რომ პოგბასთვის „იუვენტუსიც“ იბრძვის, თუმცა ეკონომიკური კრიზისის გამო ნაკლებად მოსალოდნელია, რომ ტურინელებმა ფრანგი ნახევარცველის დაბრუნება შეძლონ.
