იტალიის სერია A-ს კლუბებს გუნდურად ვარჯიშის უფლება მისცეს. სპორტის მინისტრმა ვინცენცო სპადაფორამ განაცხადა, რომ შემუშავებულია პროტოკოლი, რომლის თანახმად საწვრთნელი პროცესი უნდა წარიმართოს.
„რამდენიმე წუთის წინ ოფიციალურად გამოვაქვეყნეთ პროტოკოლი, რომლის თანახმად სერია A-ს გუნდებს შეუძლიათ განაახლონ ვარჯიში“, - თქვა სპადაფორამ.
ამ ეტაპზე ჯერ კიდევ უცნობია სეზონის განახლების თარიღი, იტალიაში ამის შესახებ 28 მაისს დაგეგმილ შეხვედრაზე უნდა იმსჯელონ.
