ფეხბურთი

14:55 | 22.05.2020 | ნანახია [] - ჯერ

ჯანოს აგენტი: "დინამო"? ბევრი გუნდია დაინტერესებული, კონტრაქტისგან შორს ვართ"

ჯანო ანანიძის აგენტმა თემურ ლეფსაიამ უახლოეს ხანში ჯანო ანანიძის „დინამო თბილისთან“ კონტრაქტის გაფორმება გამორიცხა.

როგორც მან გამოცემა Championat-ს განუცხადა, ანანიძით ბევრი გუნდია დაინტერესებული და რამდენიმე ვარიანტზე მუშაობენ.

„ანანიძე „დინამოსთან“ კონტრაქტს არ გააფორმებს, მისით არაერთი კლუბია დაინტერესებული, მაგრამ ჩვენ შორს ვართ კონტრაქტის გაფორმებიდან. უახლოეს ხანში ეს გამორიცხულია. ჯანოს ჯერ კიდევ აკავშირებს ხელშეკრულება „ანორთოსისთან“, კვიპროსის ჩეპიონატი დასრულდა, ასე, რომ რამდენიმე ვარიანტზე ვმუშაობთ“, - თქვა ლეფსაიამ.

შეგახსენებთ, რომ ჯანო ანანიძე იანვრიდან „ანორთოსისსში“ თამაშობდა და 9 შეხვედრაში ოლი არ გაუტანია. ჩვენებურს კვიპროსელებთან კონტრაქტი 30 ივნისს ეწურება და მისი გახანგრძლივება გამორიცხულია.

0.145383