ფეხბურთი

2:04 | 16.05.2020 | ნანახია [] - ჯერ

კიელინი: "რონალდუ ჩვენნაირი არაა, რაღაც განსხვავებული აქვს"

„იუვენტუსის“ კაპიტანი ჯორჯო კიელინი ინსტაგრამში კრისტიან ვიერის ესაუბრა და კრიშტიანუ რონალდუს შესახებ კომენტარი გააკეთა. იტალიელმა განაცხადა, რომ პორტუგალიელი ჩემპიონთა ლიგის მატჩების წინ სრულიად იცვლება და ისეთი მოტივირებული სერია A-ს მატჩებზე არაა.

„კრიშტიანუ რონალდუ კარგადაა, ამ სეზონში მუხლზე პრობლემა ჰქონდა, რამაც მასზე მცირე გავლენა მოახდინა. ის სნაიპერია, გასულ წლებთან შედარებით თამაშის სტილი შეიცვალა, განსხვავებულად თამაშობს, ვიდრე ახალგაზრდობაში. დიდი თამაშებში ფეთქდება, ჩვენთან შედარებით რაღაც განსხვავებული აქვს. კრიშტიანუ ყოველთვის თამაშობს. ჩემპიონთა ლიგის მატჩების სამზადისში სრულიად იცვლება, ჩემპიონატის თამაშებთან შედარებით. „სპალთან“ ყველანაირი პატივისცემის მიუხედავად ისეთი მოტივირებული არაა, როგორც ჩემპიონთა ლიგის მატჩის წინ. გოლებით შეპყრობილია, მახსოვს, პორტუგალიის ნაკრები 4:0-ს ან 5:0-ს იგებდა, დუბლი ჰქონდა შესრულებული, როდესაც საგოლე შანსი ვერ გამოიყენა. ისე განიცადა, თითქოს კარიერის ყველაზე მნიშვნელოვანი გოლი ვერ გაიტანა“, - თქვა კიელინიმ.

შეგახსენებთ, კიელინი და რონალდუ „იუვენტუსში“ თანაგუნდელები 2018 წლიდან გახდნენ.

0.138296