ფეხბურთი

16:03 | 13.05.2020 | ნანახია [] - ჯერ

"ბარსელონას" დე ლიხტის გადაბირება უნდა

კატალონიის „ბარსელონასა“ და ტურინის „იუვენტუსს“ შორის ზაფხულში სატრანსფერო გაცვლებია მოსალოდნელი. ყველაზე აქტიურად მირალემ პიანიჩისა და არტურის ბარტერზე საუბრობენ.

თუმცა, Mundo Deportivo იტყობინება, რომ ეს ერთადერთი გარიგება არ იქნება. კატალონელებს მატიას დე ლიხტის გადაბირება სურთ, რაც იტალიური მხარისთვის მიუღებელია.

„იუვე“ დე ლიხტს არ ყიდის და „ბლაუგრანას“ სანაცვლოდ დანიელე რუგანი შესთავაზა, რაზეც კატალონელთა პასუხი უცნობია.

აქვე გეტყვით, რომ ესპანურ და იტალიურ გრანდებს შორის სამუელ უმტიტის, ივან რაკიტიჩის, ნელსონ სემედუს, არტურის, მატია დე შილიოსა და მირალემ პიანიჩის შესაძლოა გაცვლის ვარიანტებიც განიხილება.

0.131282