ტურინის „იუვენტუსისა“ და ადრიენ რაბიოს ურთიერთობა როგორც ჩანს, ზაფხულში დასრულდება. ფრანგი ფეხბურთელი სამშობლოში იმყოფება და მიუხედავად იმისა, რომ კლუბმა ინდივიდუალურად საწვრთნელი პროცესი უკვე დაიწყო, ტურინში დაბრუნებაზე უარს ამბობს.

იტალიური მედიის ცნობით, რაბიო უკმაყოფილოა, რომ გუნდმა კორონავირუსის პანდემიის კრიზისის გამო ხელფასი შეუმცირა და ასეთ სიტუაციაში ვარჯიშზე თანახმა არაა.

თავის მხრივ, როგორც ჩანს, „იუვეს“ ბოსების მოთმინების ფიალაც აივსო და ზაფხულში ადრიენს ტრანსფერზე დააყენებენ. აღსანიშნავია, რომ რაბიოს ხელფასთან დაკავშრებული პროტესტისა და პრობლემების გამო „პარი სენ ჟერმენის“ დატოვებაც მოუწია.

შეგახსენებთ, რომ 25 წლის ფეხბურთელი „ბებერ სინიორას“ გასულ ზაფხულს შეუერთდა და 24 უგოლო მატჩი ჩაატარა. მისი თამაშით კლუბის გულშემატკივრები და სპეციალისტები უკმაყოფილონი არიან.