ფეხბურთი

19:22 | 11.05.2020 | ნანახია [] - ჯერ

უეფა ევროთასებზე საკვალიფიკაციო ტურნირის გაუქმებას განიხილავს: ქართული გუნდების საფიქრალი

უეფამ შესაძლოა 2020-2021 წლების სეზონის ევროთასების საკვალიფიკაციო ეტაპზე ცვლილებები შეიტანოს. Times-ი წერს, რომ კორონავირუსით გამოწვეულ კრიზისში უეფა კალენდრის პრობლემის წინაშე დადგა.

ევროპული ფეხბურთის მმართველი უწყება შეწყვეტილი სეზონის დასრულებას აგვისტოში იმედოვნებს, მომდევნო სეზონის საკვალიფიკაციო ეტაპები კი 20 ოქტომბრისთვის გადაიტანა.

თუმცა, ვინაიდან, შემდეგ მომდევნო სეზონის დასრულებაც დროულად უნდა მოხდეს და მეტად მჭიდრო კალენდარია, არაა გამორიცხული მატჩების რაოდენობა შეამციროს. განიხილება სახლი-სტუმრად ნაცვლად, გაიმართოს მშრალი, ერთი თამაში (შესაძლოა ნეიტრალურ მოედანზე). თუმცა, ეს კიდევ არაფერი, მეორე ვარიანტია, რომ საკვალიფიკაციო ტურნირი საერთოდ გაუქმდეს და ჯგუფში ქვეყნის ჩემპიონები ავტომატურად მოხვდნენ რეიტინგის მიხედვით. მესამე გზაც არსებობს, რაც ჩვენი ქვეყნის ჩემპიონისთვის, "დინამო თბილისისთვის" ასევე მიუღებელი იქნება - რეიტინგის საუკეთესო 12 ქვეყნის ჩემპიონმა ითამაშოს საკვალიფიკაციო ეტაპზე.

ჩემპიონთა ლიგაზე ამ კუთხით კიდევ ნორმალური ვითარებაა, რადგან 32 გუნდიდან 26 ჯგუფურ ეტაპზე პირდაპირ ხვდება და მხოლოდ 6 ადგილი აქვს გასათამაშებელი, მაგრამ გაცილებით საგანგაშო ვითარებაა ევროპა ლიგაზე, სადაც ჯგუფური ეტაპის 48 მონაწილედან მხოლოდ 17 ირკვევა საკვალიფიკაციო ტურნირის გარეშე.

მოსალოდნელია, რომ უეფაში ამ საკითხზე უახლოეს ხანში(27 მაისს) იმსჯელებენ. შეგახსენებთ, რომ საქართველოდან ჩემპიონთა ლიგის საკვალიფიკაციო ეტაპზე „დინამო თბილისმა“, ხოლო ევროპა ლიგაზე „დინამო ბათუმმა“, „საბურთალომ“ და „ლოკომოტივმა“ უნდა ითამაშონ.

0.12336