ფეხბურთი

16:57 | 11.05.2020 | ნანახია [] - ჯერ

ჩემპიონთა ლიგის ყველაზე ტიტულოვანი ფეხბურთელები

ჩემპიონთა ლიგაზე კრიშტიანუ რონალდუ დღემდე ერთადერთი ფეხბურთელია, რომელმაც ხუთჯერ მოახერხა ჩემპიონობა. ცხადია, საუბარია, 1992-1993 წლების სეზონიდან, როდესაც ტურნირს ჩემპიონთა ლიგა დაერქვა.

მას შემდეგ პორტუგალიელზე ნაყოფიერი არავინაა. რონალდუმ შემდეგ წლებში მოიგო ფინალები და თან ყველა ფინალურ მატჩში მოედანზე იყო:

2007-2008 (მანჩესტერ იუნაიტედი)

2013-2014 (რეალი)

2015-2016 (რეალი)

2016-2017 (რეალი)

2017-2018 (რეალი)

გარდა ამისა, კრიშტიანუმ 2009 წელს ერთი ფინალის წაგებაც მოახერხა, როდესაც „მანჩესტერთან“ ერთად „ბარსელონასთან“ მარცხი განიცადა.

რონალდუს კვალში ანდრეს ინიესტა და კლარენს ზეედორფი უდგანან, რომლებმაც უპრესტიჟულესი ტიტული ოთხჯერ აღმართეს და ოთხივე მოგებულ ფინალში ითამაშეს:

ინიესტა

2005-2006 (ბარსელონა)

2008-2009 (ბარსელონა)

2010-2011 (ბარსელონა)

2014-2015 (ბარსელონა)

კლარენს ზეედორფის მიღწევა იმ მხრივაა გამორჩეული, რომ დღემდე ერთადერთია, ვინც სამ სხვადასხვა გუნდთან ერთად იმარჯვა.

ზეედორფი

1994-1995 (აიაქსი)

1997-1998 (რეალი)

2002-2003 (მილანი)

2006-2007 (მილანი)

აქვე ვთქვათ, რომ ჩემპიონთა ლიგა ოთხჯერ მოიგეს ლიონელ მესიმ, ჩავიმ და ჟერარ პიკემ, მაგრამ ინიესტასგან და ზეედორფისგან განსხვავებით მოედანზე მხოლოდ სამ ფინალში იყვნენ:

ჩავი: 2006 (არ უთამაშია), 2009, 2011, 2015 (ბარსელონა)

მესი: 2006 (არ უთამაშია), 2009, 2011, 2015 (ბარსელონა)

პიკე: 2008 (არ უთამაშია), 2009, 2011, 2015 (მანჩესტერ იუნაიტედი, ბარსელონა)

ვინაიდან მხოლოდ ჩემპიონთა ლიგაზე ვსაუბრობდით და არა ჩემპიონთა თასზე, ნუსხაში არ გვიხსენებია ფრანსისკო ჰენტო, პაოლო მალდინი და ალესანდრო კოსტაკურტა.

0.165774