ფეხბურთი

0:14 | 7.05.2020 | ნანახია [] - ჯერ

თურქული მედია: ჩაკვეტაძის შეძენა ყველაზე მეტად "ვესტ ჰემს" შეუძლია

საქართველოს ნაკრებისა და „გენტის“ ნახევარმცველის, გიორგი ჩაკვეტაძის შესაძლო ტრანსფერზე ბოლო დროს აქტიურად ვრცელდება ინფორმაცია და მეტწილად თურქული მედია აქტიურობს.

თურქეთში გიორგის შეძენით „ტრაბზონსფორია“ დაინტერესებული, რომლის ხელმძღვანელობას დიდი სურვილი გააჩნია, მაგრამ მწირი რესურსი. ადგილობრივი გამოცემა yeniasir.com.tr-ი წერს, რომ ჩვენებურის შეძენის უფრო დიდი შანსი ლონდონის „ვესტ ჰემ იუნაიტედს“ აქვს, რადგან „ჩაქუჩების“ ფინანსური ბერკეტი გაცილებით მყარია.

„ტრაბზონსფორს“ 20 წლის ქართველის გიორგი ჩაკვეტაძის ყიდვა უნდა, რომელსაც წამყვანი ლიგების სამ გუნდსაც უკავშირებენ. ესენია „ვესტ ჰემი“ პრემიერლიგიდან“, „რომა“ სერია A-დან და „ბორდო“ ლიგა 1-დან, რომლებიც მჭიდროდ აკვირდებიან ახალგაზრდა ფეხბურთელს. შექმნილ ეკონომიკურ ვითარებაში ჩაკვეტაძის ფასი 5-6 მილიონი ევროა, მაგრამ „ვესტ ჰემისთვის“ ეს პრობლემას არ წარმოადგენს, რაც „ტრაბზონსფორის“ შემთხვევაში ასე არაა“, - წერს გამოცემა.

შეგახსენებთ, ჩაკვეტაძეს „გენტთან“ გრძელვადიანი კონტრაქტი აკავშირებს (2023 წლამდე) და მოსალოდნელია, რომ ბელგიელები ადვილად არ შეელევიან. 2019-2020 წლების სეზონში გიორგიმ კლუბში 12 თამაში ჩაატარა და 2 საგოლე პასი მიითვალა.

0.10839