ფეხბურთი

1:40 | 6.05.2020 | ნანახია [] - ჯერ

პოლ ინსი: "მანჩესტერმა" პოგბა თავიდან უნდა მოიშოროს"

ვეტერანი ინგლისელი ფეხბურთელი პოლ ინსი „მანჩესტერ იუნაიტედს“ ურჩევს, რომ პოლ პოგბა თავიდან მოიცილოს. ინსის აზრით, ფრანგის დრო „ოლდ ტრაფორდზე“ ამოიწურა და მისი შენარჩუნება შეცდომა იქნება.

„სინამდვილეში ის არასდროს გადასულა „იუნაიტედში“, ჩემი აზრით, არასდროს ყოფილა დარწმუნებული დაბრუნებაში. ვხედავ, რომ ძალიან ნანობს „მანჩესტერში" დაბრუნებას, მისი საქციელი არათანმიმდევრული იყო, განსაკუთრებით მოედნის მიღმა და იგივე ეხება მის აგენტსაც (მინო რაიოლას - ავტ). გარდა ამისა, მოედანზე მისი თამაში მაღალი დონის არასდროს ყოფილა. სოლსკიაერი გუნდისთვის სწორ გზას ეძებს, მაგრამ პოგბა გუნდს კარგ საქმეს არ უკეთებს, აქ მისი დრო ამოწურულია. კარგი წინადადების შემთხვევაში „მანჩესტერმა“ თავიდან უნდა მოიცილოს. სამწუხაროა, შეეძლო შესანიშნავი მოთამაშე ყოფილიყო, მაგრამ ამ ეტაპზე ასე არაა“, - განაცხადა ინსმა.

შეგახსენებთ, პოლ პოგბა „მანჩესტერს“ 2016 წელს „იუვენტუსიდან“ დაუბრუნდა და დღემდე ჩატარებულ 143 შეხვედრაში 31 გოლი გაიტანა. ფრანგის მომავალს ყველაზე ხშირად ისევ ტურინულ გრანდსა და მადრიდის „რეალს“ უკავშირებენ.

0.120088