ესპანეთის ნაკრების მწვრთნელმა ლუის ენრიკემ განაცხადა, რომ შექმნილი რეალობა საშინელებათა ფილმს ჰგავს. მიუხედავად ამისა, ოპტიმისტურ განწყობას არ კარგავს. ესპანელმა ასევე ისაუბრა იმ ფეხბურთელების შესახებ, რომელთა გვერდით უთამაშია და რომლებიც გაუწვრთნია.
„არ შემიძლია პრეტენზია მქონდეს, მეუღლესთან და შვილებთან ერთად ვარ. მაქვს სივრცე, შემიძლია ვისეირნო, ამ მომენტის დასაძლევად პოზიტიურად უნდა ვიფიქრო. იმედი მაქვს, რომ ეს ყველაფერი ეხმარება ჩვენს მთავრობებს იმის გასაცნობიერებლად, რომ რას აკეთებენ პლანეტაზე. თუნდაც რეალობა იყოს, საშინელებათა ფილმს ჰგავს, მიუხედავად პრობლემებისა, ჩვენ გამოვკეთდებით. უამრავი ადამიანია საავადმყოფოებში, არ შემიძლია არ ვიფიქრ ბავშვებზე და ადამიანებზე, რომლებმაც ადამიანების სიკვდილი ახლოდან ნახეს ან ახლობლები დაკარგეს.
ფეხბურთი? მე ვითამაშე დიდ რონალდოსთან, ის იყო ფენომენი, ისევე როგორც ლაუდრუპი, შემდეგ დავასახელებდი რონალდინიოს, ფიგუს, რივალდოს... მწვრთნელობის პერიოდში მქონდა მესისა და სუარესის გაწვრთნის შესაძლებლობა, რომლის მსგავსი თავდამსხმელი არასდროს მინახავს, აგრესიული ხასიათი აქვს, რომელიც მცველებს ცხოვრებას ურთულებს. შემდეგ მოდის ანდრეს ინიესტა, რომელიც ჰარი პოტერს ჰგავს“, - თქვა ლუის ენრიკემ.
