ამასწინათაც გაუწყეთ, რომ სამხრეთ ამერიკაში ესოდენ პოპულარული, “მის ბუმ ბუმ“-ად ხმობილი გავაგანიერ ქალთა საერთაშორისო კონკურსი სხვა მრავალი საერთაშორისო კონკურსის მსგავსად გადადების და ვერჩატარების საფრთხის წინაშე დადგა. თუმცა, კონკურსის ორგანიზატორები ჯიუტად არ თმობენ პოზიციებს და კვლავ დიდი იმედი აქვთ, რომ მიმდინარე წლის ივნისში კონკურსს მაინც გამართავენ.

ამ სიჯიუტეს ცხადია ბევრი მოწინააღმდეგე გამოუჩნდა. მათ შორის კონკურსის გამარჯვებული გავაგანიერი ქალბატონებიც, რომელთა ერთმა ნაწილმა “მის ბუმ ბუმ“-ის ორგანიზატორებს წერილით მიმართა, სადაც თხოვენ, რომ გადათქვან გადაწყვეტილება და კონკურსი მხოლოდ მას შემდეგ ჩაატარონ, როდესაც ბრაზილიაში პანდემია გადაივლის.

თუმცა გადაწყვეტილება კვლავ ძალაში რჩება და ამ დიადი კონკურსის ორგანიზატორები ისევ მყარად არიან “ჯორზე შემჯდრები“. ბევრი იმასაც კი ამბობს, ორგანიზატორებმაც კარგად იციან კონკურსი მაინც რომ ვერ ჩატარდება, მაგრამ ამგვარი ფსევდოსიუჯიუტით ცდილობენ პოპულარობის მოხვეჭასო. ვინ იცის?!...