ვეტერანმა იტალიელმა ფეხბურთელმა დანიელე დე როსიმ ლეონარდო ბონუჩის შესახებ ისაუბრა. „რომას“ ყოფილი ფეხბურთელის განცხადებით, ბონუჩი ბევრს ეზიზღება, მაგრამ მასზე არასწორი წარმოდგენა აქვთ.

„ჩვენ ვსაუბრობთ ბიჭზე, რომელზეც ყველა ჩემი ნაცნობი მეუბნება, რომ სძულთ. ეს ბონუჩისადმი მცდარი წარმოდგენაა. ლეო წარმოუდგენელი პროფესიონალია, სამწუხაროა, როდესაც მასზე ფიქრობენ, რომ უარყოფითი პერსონაა. ზოგჯერ მოედანზე ასეცაა, მაგრამ ეს ბუნებრივია, რადგან იცავს კონკრეტულ მაისურს და ამიტომაც ახერხებენ მუდიმვად გამარჯვებას. ანტიპათიას იწვევს ხალხში, რადგან გამარჯვებულის მენტალიტეტი გააჩნია.

მახსოვს, რომ ერთხელ ვარჯიშზე ბუცი მესროლა, ეს არ ყოფილა ხუმრობა, მაგრამ ყველაფერი ერთ წუთში დასრულდა. ის ერთ-ერთია იმ ადამიანებიდან, რომელიც სასიამოვნოდ მახსენდება, ჩვენ ერთად შესანიშნავი მომენტები გამოვიარეთ. გარდა ამისა, ნამდვილი მამა და მეგობარია“, - განაცხადა დე როსიმ.

შეგახსენებთ, რომ ლეონარდო ბონუჩი და დანიელე დე როსი იტალიის ნაკრებში თანაგუნდელები 2010-2017 წლებში იყვნენ.