ფეხბურთი

20:50 | 3.04.2020 | ნანახია [] - ჯერ

უეფა ბელგიურ გუნდებს ევროტურნირებიდან მოკვეთას უპირებს

უეფას პრეზიდენტი ალექსანდრ ჩეფერინი ბელგიის ფეხბურთის ფედერაციის მესვეურვებს გაუბრაზდა, რომლებმაც პლეი-ოფის სისტემა გაანულეს და გუშინ სეზონი ოფიციალურად დასრულებულად გამოაცხადეს.

ევროპული ფეხბურთის ხელმძღვანელი არ გამორიცხავს, რომ ბელგიური გუნდები ამის გამო 2020-2021 წლების სეზონში ევროტურნირებიდან მოკვეთონ.

„არმგონია, რომ ეს სწორი გადაწყვეტილებაა. სოლიდარობა არაა ცალმხრივი ქუჩა და ცალკე გრძნობა, არ შეიძლება ჯერ დახმარება ითხოვო და შემდეგ მარტო გადაწყვიტო რა არის უკეთესი. ბელგიელები და ფედერაციები, რომლებმაც შეიძლება იგივე ნაბიჯი გადადგან, საფრთხის ქვეშ არიან, რომ მომდევნო სეზონში ევროთასებზე ვერ ითამაშონ.

ფეხბურთი მაყურებლების გარეშე არაა იგივე, მაგრამ ნამდვილად ჯობია თამაში და ტელევიზორში ყურება, ვიდრე საერთოდ არ ვითამაშოთ. ეს არის ის, რაც ხალხს სურს“, - აღნიშნა ჩეფერინმა.

შეგახსენებთ, ბელგიის ჩემპიონად „ბრიუგე“ გამოცხადდა, მეორე ადგილი ქართველების „გენტს“ ერგო და ჩემპიონთა ლიგის საკვალიფიკაციო ეტაპზე ითამაშებს. თუ რა თქმა უნდა, ჩეფერინის ვარაუდი არ გამართლდა და ბელგიური კლუბები დისკვალიფიკაციით არ დასაჯეს.

0.110699