კატალონიის „ბარსელონას“ მეკარემ მარკ-ანდრე ტერ შტეგენმა განაცხადა, რომ ფეხბურთს არ უყურებს და შესაბამისად, ფეხბურთელების სახელების შესახებ წარმოდგენაც არ აქვს.

„ხალხს ეცინება, როდესაც ვეუბნები, რომ ფეხბურთის შესახებ მოსაზრება არ მაქვს. არ ვუყურებ თამაშებს გარდა იმ შემთხვევებისა, როდესაც განსაკუთრებით საინტერესო მატჩებია ან როცა კონკრეტული ფეხბურთელი მიზიდავს, რადგან ჩემი მეგობარია. ზოგჯერ მეკითხებიან რომელიმე ფეხბურთელის სახელზე და წარმოდგენაც არ მაქვს.

ლა ლიგა ამის მაგალითია, მე არ ვიცი ფეხბურთელების სახელები. უფრო უკეთ მახსოვს როგორ მოძრაობენ მოედანზე ან როგორი დარტყმა აქვთ. ცოტა უცნაურია.

მიყვარს სტადიონებზე საუბარი, რადგან ეს კულტურული საკითხია. „კამპ ნოუ“ უნიკალური მაგალითია,საოცარი გულშემატკივრობით. კიდევ რომელ სტადიონმა მოახდინა ჩემზე შთაბეჭდილება? მიუხედავად იმისა, რომ თანამედროვე არაა, „სან პაოლომ“, მას აქვს რაღაც განსაკუთრებული და ეს ყველაფერი ქომაგობასთან ასოცირდება“, - თქვა ტერ შტეგენმა.