"ბრაიტონის" ფეხბურთელს კორონავირუსი დაუდასტურდა. აღნიშნული ინფორმაცია კლუბის აღმასრულებელმა დირექტორმა პოლ ბარბერმა პრესკონფერენციაზე გაავრცელა. პოლის თქმით, ფეხბურთელის ჯანმრთელობის მდგომარეობა დამაკმაყოფილებელია და ამ ამ მომენტისთვის საჭირო მკურნალობას გადის.
ბარბერმა არ დაასახელა იმ მოთამაშის ვინაობა, ვისაც კორონავირუსი აქვს. ტესტზე გაგზავნილი იყო სამი ფეხბურთელის სინჯი. ბარბერთან ერთად პრესკონფერენციას ესწრებოდა მთავარი მწვრთნელი გრეჰემ პოტერი, რომელმაც აღნიშნა, რომ ფეხბურთელებთან მუდმივი კომუნიკაცია აქვს.
