ბერგამოს „ატალანტას“ მეკარეს, მარკო სპორტიელოს კორონავირუსი აღმოაჩნდა. ინფორმაციას ლომბარდიული გუნდი ოფიციალურად ადასტურებს.
„გაცნობებთ, რომ მარკო სპორტიელოს კორონავირუსის ტესტი დადებითია. მარკო ამჟამად ასიმპტომურია და გუნდის ყველა წევრის კარანტინი 27 მარტამდე გაგრძელდება“, - ნათქვამია ოფიციალურ განცხადებაში.
აქვე გეტყვით, რომ „ატალანტას“ ფეხბურთელთა შორის ეს კორონავირუსის პირველი დადასტურებული შემთხვევაა.
