ფეხბურთი

20:18 | 21.03.2020 | ნანახია [] - ჯერ

"რომა" რომის საავადმყოფოს ხელოვნური სუნთქვის აპარატებს და საწოლებს გადასცემს

იტალიის ჩემპიონატის კლუბმა "რომამ" ფონდი დაარსა, რომლის მეშვეობითაც რომში არსებულ ერთ-ერთ საავადმყოფოს კორონავირუსთან ბრძოლაში დაეხმარება და ხელოვნური სუნთქვის სამ აპარატს და რვა საწოლს უსასყიდლოდ გადასცემს. აღნიშნულ ინფორმაციას BBC ავრცელებს.

კლუბის პირველი გუნდის ფეხბურთელებმა და მწვრთნელებმა ერთი დღის ხელფასი ფონდში გადარიცხეს, რომლის მეშვეობითაც 460,000 ევრო შეგროვდა. მანამდე "რომამ" საავადმყოფოებს 13,000 პირბადე და 120 ნახევარლიტრიანი სადეზინფექციო სითხე გადასცა. ასევე, კლუბმა ეკლესიებს 8,000 წყვილი დამცავი ხელთათმანები და 2,000 სადეზინფექციო ხელის გელი დაურიგა.

თეგებირომა
0.106661