ჰარუ ბაშოზე ორიგი მარცხი განიცადა ლევან გორგაძემ. ტოჩინოშინი გაზაფხულის პირველი სუპერტურნირის მე-13 დღეს კოტოშოგიკუს დაუპირისპირდა და იორიკირის ილეთით დამარცხდა.
ორთაბრძოლის დაწყებისთანავე მეტოქემ უპირატესობა მოიპოვა, ტოჩი დოჰიოს კუთხესთან მიიყვანა, რის შემდგომაც მისი საზღვრებს მიღმა გადაყვანა არ გასჭირვებია.
ეს აღნიშნული წყვილის 25-ე დაპირისპირება იყო, რომელთაგანაც ჩვენებურმა 10 მოიგო, 15 კი მარცხით დაასრულა.
შეგახსენებთ, ლევანს მიმდინარე ბაშოზე 5 მოგების საპირისპიროდ 8 მარცხი აქვს და უარყოფითი ბალანსი უკვე განაღდებული აქვს, თუმცა ქართველმა სუმოისტმა 5 მოგებით მინიმალური ბალანსი გაინაღდა და ელიტურ მაკუუჩი დივიზონში ადგილის შენარჩუნება მოახერხა.
