იაპონიის ფეხბურთის ფედერაციის პრეზიდენტ და იმავდროულად ოლიმპიური კომიტეტის ვიცე-პრეზიდენტ კოზო ტაშიმას კორონავირუსი დაუდასტურდა. ინფორმაცია ოფიციალურად გავრცელდა.
62 წლის ტაშიმა თებერვლისა და მარტის თვეებში საქმიანი ვიზიტებით ევროპასა და აშშ-ში ხშირად მოგზაურობდა, შესაბამისად, მოსალოდნელია, რომ დაავადებაც ასე მიიღო.
ეს ცნობა კი, ტოკიოს ოლიმპიადის ჩატარების საკითხს კითხვის ნიშნის ქვეშ აყენებს. IOC-ის პრეზიდენტი თომას ბახი 17-18 მარტს სპორტულ ფედერაციებთან და ეროვნული ოლიმპიური კომიტეტის წარმომადგენლებთან სატელეფონო საუბრებს გამართავს და დიდი ალბათობით, აღნიშნული საკითხიც განიხილება.