ფეხბურთი

14:43 | 11.03.2020 | ნანახია [] - ჯერ

კობიაშვილი უეფას: "სტადიონების დაკეტვა გამოსავალი არაა!"

საქართველოს ფეხბურთის ფედერაციის პრეზიდენტმა ლევან კობიაშვილმა ტვიტერში სპეციალური განცხადება გაავრცელა, საიდანაც უეფას მიმართა. კობიაშვილის განცხადებით, საერთაშორისო მატჩების უმაყურებლოდ ჩატარება გამოსავალი არაა და ეროვნული ნაკრების ფეხბურთელები მგზავრობით საკუთარ ჯანმრთელობას რისკის ქვეშ აყენებენ.

"მაშინ, როდესაც მსოფლიოში ყოველდღიურად იზრდება ვირუსით ინფიცირებულთა რიცხვი, მაყურებლის გარეშე საერთაშორისო მატჩების გამართვა გამოსავალი არ არის, რადგან ეროვნული ნაკრების ფეხბურთელებს მსოფლიოს სხვადასხვა ქვეყნიდან მგზავრობით საკუთარი ჯანმრთელობის რისკის ქვეშ დაყენება უწევთ. თითოეულმა ფედერაციამ, უეფასთან ერთად, უნდა ვიზრუნოთ არა მხოლოდ გულშემატკივარის უსაფრთხოებაზე, არამედ ჩვენი ფეხბურთელების ჯანმრთელობაზე! ამ საკითხზე აუცილებლად უნდა ვისაუბროთ. მაყურებლისთვის სტადიონის კარის დაკეტვა პრობლემის მოგვარების გზა არ არის!" - დაწერა კობიაშვილმა ტვიტერში.

შეგახსენებთ, რომ ევროპის მასშტაბით ბოლო დროს არაერთი მატჩი დახურულ კარს მიღმა გაიმართა და იგივე ბედი საქართველო - ბელარუსის შეხვედრასაც ემუქრება. საქართველოს კრისტალბეთ ეროვნული ლიგა და ფეხბურთის ფედერაციის დაქვემდებარებაში მყოფი ყველა ტურნირი კი 1 აპრილამდე შწყდა.

აქვე გეტყვით, რომ ამ დროისთვის საქართველოში კორონავირუსის 23 შემთხვევაა დადასტურებული.

0.14832