ინგლისური „უოტფორდის“ შემტევი ისმაილა სარი გასულ უიქ-ენდზე „ლივერპულთან“ დუბლით გამოირჩა. სენეგალელმა უდიდესი წვლილი შეიტანა იურგენ კლოპის გუნდის 44-მატჩიანი წაუგებელი სერიის დასრულებაში და ბუნებრივია, ყურადღების ცენტრში მოექცა.

სარი „უოტფორდს“ გასულ ზაფხულს „რენიდან“ 27 მილლიონ ევროდ შეუერთდა და კლუბის ისტორიაში ყველაზე ძვირადღირებული შენაძენი გახდა. ამის მიუხედავად, ისმაილა რთულ წარსულს არ ივიწყებს და მამას დიდი ხნის ონცება აუხდინა.

„ფულით, რომელიც გამოვიმუშავე, მამაჩემისთვის ცხვრები შევიძინე მეურნეობისთვის. მანამდე მას ფერმა არ ჰქონდა, ახლა აქვს და ეს ყოველთვის მისი ოცნება იყო“, - თქვა სარიმ.

აქვე გეტყვით, რომ 22 წლის ფეხბურთელს მიმდინარე სეზონში ჩატარებულ 18 მატჩში 5 გოლი აქვს გატანილი.