უეფას აღმასკომის სხდომაზე ევროპა ლიგის, ევროპის სუპერთასების და ქალთა ჩემპიონთა ლიგის ფინალების მასპინძლები ქალაქები გამოავლინეს. შედეგად, გაირკვა, რომ 2021-2022 წლების სეზონში ევროპა ლიგის ფინალს უნგრეთის დედაქალაქი ბუდაპეშტი უმასპინძლებს.

აქამდე ბუდაპეშტს ასეთი პატივი არ ღირსებია, არასდროს ყოფილა არც ევროპა ლიგის და არც ჩემპიონთა ლიგის ფინალის მასპინძელი. უეფას ყველა გადაწყვეტილები ფინალების ჩატარების ადგილებთან დაკავშირებით 2023 წლამდე ასეთია:

2022 წლის ევროპა ლიგის ფინალი: ბუდაპეშტი, „პუშკაშ არენა“ (უნგრეთი)

2022 წლის ქალთა ჩემპიონთა ლიგის ფინალი: ტურინი, „ალიანც სთედიუმი (იტალია)

2023 წლის ქალთა ჩემპიონთა ლიგის ფინალი: ეინდჰოვენი, „ფილიპს არენა“ (ნიდერლანდები)

2022 წლის ევროპის სუპერთასი: ჰელსინკი, ოლიმპიური სტადიონი (ფინეთი)

2023 წლის ევროპის სუპერთასი: ყაზანი, „ყაზან არენა“ (რუსეთი)

აქვე გეტყვით, რომ 2023 წლამდე ჩემპიონთა ლიგის ფინალის მასპინძლები ქალაქები რამდენიმე თვის წინ ოფიციალურად გახდა ცნობილი: 2020 წელი - სტამბოლი („ათა თურქი), 2021 წელი - სანქტ-პეტერბურგი („კრესტოვსკი არენა“), 2022 წელი - მიუნხენი („ალიანც არენა“) და 2023 წელი ლონდონი („უემბლი“).

რაც შეეხება ევროპა ლიგას: 2020 წელი - გდანსკი („სტადიონ ენერგა“), 2021 წელი - სევილია („სანჩეს პისხუანი“, თბილისთან კონკურენციაში გაიმარჯვა გასული წლის სექტემბერში).