ფეხბურთი

13:46 | 2.03.2020 | ნანახია [] - ჯერ

ზიდანი: "თანაბარი თამაში იყო, მაგრამ ჩვენ შეტევაში უკეთ ვითამაშეთ"

მადრიდის „რეალის“ მთავარმა მწვრთნელმა ზინედინ ზიდანმა „ბარსელონასთან“ (2:0) გამარჯვება შეაფასა და განაცხადა, რომ თანაბარი თამაში იყო.

„ძალიან კმაყოფილი ვარ შედეგით, ვინისიუსმა გოლის გატანა დაიმსახურა და მისთვის ასეთი ძლიერი მეტოქის წინააღმდეგ გოლი ძალიან მნიშვნელოვანია. მინდოდა ისკოსაც გამოეყენებინა თავისი მომენტი, მაგრამ მარკ-ანდრე ტერ შტეგენმა საოცრად ითამაშა.

დღეს მარიანო დიასი შეხვედრაში მნიშვნელოვანი მოთამაშე აღმოჩნდა, ის შეცვლაზე შევიდა და გაიტანა, რის გამოც ძალიან ბედნიერი ვარ. მარიანო ცოტას თამაშობს და ამიტომაც, „ბარსელონასთან“ გოლის გატანა ადვილი არ იყო.

ვფიქრობ, კარგად ვითაშეთ, პირველი ტაიმი ცოტა რთული აღმოჩნდა ჩვენთვის, მაგრამ მეორე კარგი გამოდგა. მთლიანობაში ეს იყო თანაბარი თამაში, თუმცა შეტევაში უკეთ ვითამაშეთ, ვიდრე მეტოქემ“, - აღნიშნა ზიდანმა.

შეგახსენებთ, რომ სეზონის დასრულებამდე 12 ტურით ადრე „რეალმა“ „ბარსელონას“ გადაასწრო და ლიდერობა წაართვა.

0.134144