ჩოგბურთი

11:47 | 17.02.2020 | ნანახია [] - ჯერ

კლაისტერსი ჩოგბურთს უბრუნდება

36 წლის ბელგიელი კიმ კლაისტერსი ჩოგბურთს უბრუნდება. კიმმა დუბაის ტურნირზე "ველური ბარათი" მიიღო და ტურნირის ძირითად ბადეში მოხვდა, სადაც მსოფლიო რეიტინგის მე-16 ნომერს ესპანელ გარბინიე მუგურუსას დაუპირისპირდება.


კლაისტერსი ჩოგბურთიდან პირველად 2006 წელს წავიდა და 2009 წელს დაბრუნდა, ბოლოს 2012 წელს ოჯახის გამო ჩოგბურთს თავი ისევ დაანება.
"ბოლო შვიდი წელია სრულფასოვანი დედა ვარ და ეს ყველაფერი მართლა ძალიან მიყვარს. იყო პერიოდი, როცა პროფესიონალი ჩოგბურთელი ვიყავი და ეგ დრო ძალიან მენატრება. მინდა ორივე ერთად გავაკეთო. ხომ შეიძლება თან სამი შვილის დედა და თან ჩოგბურთელი ვიყო"- განაცხადა კლაისტერსმა.
კლაისტერსმა კარიერაში, ერთეულთა თანრიგში, WTA-ს 41 ტურნირი მოიგო, საიდანაც ოთხი დიდი სლემის ტურნირია. 2003 წელს კიმი მსოფლიოს რეიტინგის პირველი ნომერი იყო.

0.112623